Gikonsidera sa National Police Commission o NAPOLCOM-Region 9 nga dakong tabang ang mga kalihokan nga gipahigayon sa mga eskwelahan ug barangay atol sa pagsaulog sa 32nd National Crime Prevention Week, nga gihimo gikan sa September 1 hangtod 7, 2026.
Matud ni Atty. Edmund Rey B. Calo, Law Enforcement Evaluation Officer sa NAPOLCOM-9, nga nakatabang ang mga aktibidad sa pagpataas sa kahibalo sa publiko ug pagpalig-on sa koordinasyon tali sa mga otoridad ug komunidad.
Dugang pa ni Atty. Calo, lakip sa mga kalihokan ang mga symposium ug information drive sa mga eskwelahan ug barangay, diin gihatagan og impormasyon ang publiko bahin sa kaluwasan ug mga paagi sa paglikay sa krimen.
Gipasiugda usab niya nga importante ang partisipasyon sa komunidad aron mapadayon ang kalinaw ug seguridad sa matag lugar. Gilauman sa opisyal sa NAPOLCOM-9 nga magpadayon ang koordinasyon tali sa mga concerned agencies ug stakeholders, bisan pa nahuman na ang pagsaulog sa National Crime Prevention Week.
