Nikunhod ang natala nga mga insidente sa walo ka focus crimes sa Zamboanga del Sur niadtong Agosto, kumpara sa susamang bulan niaging tuig. Kini ang gipahibalo ni PCOL. Bonifacio B. Arañas Jr., Provincial Director sa Zamboanga del Sur Police Provincial Office (ZSPPO), atol sa eksklusibong pakighinabi sa Juander Radyo Pagadian News Team.
Matud ni PCOL. Arañas, nagpakita kini og positibong kalamboan sa peace and order situation sa probinsya, ilabina sa pagpakunhod sa mga krimen nga gitutokan sa kapulisan.
Apan, bisan pa sa pagkunhod sa walo ka focus crimes, adunay mga insidente nga nakatampo sa kinatibuk-ang crime volume sa probinsya, lakip na ang vehicular accidents.
Matud ni PCOL. Arañas, apil sa crime volume ang mga insidente nga may kalabotan sa vehicular accidents. Padayon ang ZSPPO sa pagpalig-on sa police visibility ug traffic enforcement aron mapakunhod ang kriminalidad ug mga aksidente sa kadalanan.
Gidasig usab ang publiko, ilabina ang mga motorista, nga mosunod sa traffic rules ug magmatngon sa pagpadagan aron malikayan ang mga insidente sa dalan.
