Gipasalig sa Malacañang nga walay kausaban sa iskedyul sa unang parliamentary elections sa Bangsamoro Autonomous Region in Muslim Mindanao o BARMM nga pagahimoon sa Septiyembre 14, 2026.
Matud ni Palace Press Officer Undersecretary Claire Castro, wala pa siya makadawat og bisan unsang impormasyon nga mahimong hinungdan sa paglangan o pag-postpone sa maong eleksyon.
Kabahin kini sa pagpatuman sa Bangsamoro Organic Law ug sa transisyon sa BARMM ngadto sa parliamentary form of government. Samtang, nagpadayon na ang Commission on Elections sa pagpangandam sa mga gamit ug materyales alang sa eleksyon nga pagahimoon sa 105 ka lungsod ug duha ka siyudad sulod sa BARMM.
Gipasiugda sa Palasyo nga gitakdang ipahigayon ang maong unang parliamentary elections sa rehiyon sa gitakdang petsa nga Septiyembre 14.
Photo Courtesy:Office of the Special Assistant to the President
