Mikatap sa social media ang istorya sa usa ka 78-anyos nga lola sa Bullhead City, Arizona, USA, human siya gidakop sa kapulisan tungod sa iyang pagpanghatag og pagkaon ngadto sa mga homeless. Ang lola giila nga si Norma Thornton, usa ka regular nga tigpanghatag og linuto nga pagkaon alang sa mga nanginahanglan.
Matud pa ni Thornton, nakat-onan niya gikan sa iyang mga ginikanan nga importante ang pagpaambit, ilabina kung aduna kay igong mahatag alang sa uban.
Apan samtang nanghatag siya og pagkaon, miabot ang mga pulis ug gidakop siya tungod sa giingong paglapas sa city ordinance nga nag-regulate sa pagpanghatag og pagkaon sa maong lugar. Gidala si Thornton sa police station ug gikasuhan, ug matud sa gihatag nga impormasyon, posibleng mabilanggo siya og unom ngadto sa napulo ka tuig.
Bisan pa niini, determinado gihapon si Thornton nga ipadayon ang pagtabang sa mga nanginahanglan. Matud pa sa lola, dili siya mohunong sa pagpaambit sa iyang panalangin, ilabina sa pagpanghatag og pagkaon sa mga nanginahanglan.
Photo Courtesy: Instagram
