Gipahigayon niadtong Septyembre 8, 2026, sa Purok Basac, New Labangan, Zamboanga del Sur, ang orientation kabahin sa Juander Radyo Loyalista Incorporated.
Mapasalamaton ang Juander Radyo News Team sa pag-imbitar ni Neng-Neng Abarquez, usa sa mga dealer, alang sa maong kalihukan nga nagtumong sa pagpasabot sa mga benepisyo ug katuyuan sa organisasyon.
Ang Juander Radyo Loyalista Incorporated usa ka grupo nga nagpalig-on sa pagtinabangay tali sa mga miyembro, ilabina panahon sa kalisod ug kasub-anan.
Ubos sa maong organisasyon, ang matag miyembro nga mutaliwan makadawat og death assistance nga mahimong tabang sa iyang pamilya sa panahon sa ilang pagbangutan.
Pinaagi niini, gilauman nga mas daghang katawhan ang makasabot sa programa ug sa kamahinungdanon sa pagtinabangay ug pagpakabana sa isigkatawo.
