Usa ka photographer ang nakadawat og dili kasagarang “recognition” human makita ang iyang ngalan sa disenyo sa biometric passport sa Syria.Makita sa usa ka hulagway nga gigamit isip bahin sa disenyo sa maong passport ang watermark nga “WASEEM ASMAR PHOTOGRAPHY.”
Ang litrato gikuha sa Souq al-Hamidiyah, usa ka makasaysayanong merkado sa Damascus, Syria. Apan ang nakapahimo sa maong istorya nga makalingaw mao nga wala matangtang ang watermark sa litrato sa wala pa kini gigamit sa passport design, busa nalakip mismo ang ngalan sa photographer sa dokumento.
Gamit na ang maong passport design sukad pa niadtong 2023, ug hangtod karon, adunay mga passport nga sama niini nga anaa gihapon sa sirkulasyon. Dili pa klaro kung asa eksaktong nakuha sa naghimo sa passport ang maong litrato ug kung gikan ba kini sa internet.
Apan tungod kay halos dili dayon mamatikdan ang watermark, posibleng wala kini namatikdi sa wala pa gigamit ang litrato sa disenyo sa passport.
Imbis nga ordinaryong watermark lang, nahimo hinuon kini nga murag permanenteng credit sa photographer sulod mismo sa Syrian passport design.
Photo Courtesy:KWNTO
