Gidani sa gobyerno ang mga kompanya nga gisuportahan sa mga prominenteng negosyante sa Pilipinas alang sa Waste-to-Energy o WTE auction. Gipadayag sa Department of Energy nga 11 ka bidders ang kwalipikado nga mopadayon sa bidding alang sa 14 ka proyekto.
Lakip niini ang mga kompanya nga konektado kang Manuel V. Pangilinan, Enrique Razon Jr., ug Ramon Ang. Ang gobyerno nag-offer karon og 400 megawatts nga kapasidad alang sa WTE projects, mas taas kumpara sa unang target nga 230 megawatts.
Sumala sa DOE, himuon ang pre-bid conference sa Septiyembre 15, samtang magsugod ang auction proper sa Oktubre 13. Gilauman nga mahatag ang certificates of award sa mga madaog nga bidders tali sa Disyembre 16 hangtod 18, samtang ang pagpatuman sa mga proyekto gikatakdang magsugod tali sa Septiyembre 2028 ug Marso 2029.
Ang Waste-to-Energy technology nagtumong sa pag-convert sa biodegradable nga mga materyales sama sa manure sa mga hayop ug agricultural waste ngadto sa magamit nga enerhiya.
Kabahin kini sa paningkamot sa gobyerno nga madugangan ang bahin sa renewable energy sa nasud ngadto sa 35 porsyento pag abot sa 2030 ug 50 porsyento sa 2040.
Photo Courtesy: Wikimedia common
