Nadakpan sa mga otoridad sa Manila ang usa sa Top 5 Most Wanted Persons sa Provincial Level sa Dinagat Islands tungod sa paglapas sa Section 5(B) sa Republic Act No. 7610, o Special Protection of Children Against Abuse, Exploitation and Discrimination Act.
Nasikop ang suspetsado nga giila sa alyas “Rey,” minyo ug drayber, atol sa manhunt operation nga gipahigayon sa San Jose Municipal Police Station (MPS), kauban ang Ermita Police Station sa Manila, alas 3:35 sa hapon sa Magallanes Drive, Ermita, Manila.
Ang pagdakop pinasikad sa Warrant of Arrest nga may kalabotan sa Criminal Case No. 2443. Ang kaso adunay gitugot nga piyansa nga ₱200,000 nga gipagawas ni Judge Den Ryan Cagas, Presiding Judge sa RTC Branch 32, niadtong Oktubre 6, 2022.
Matud ni PCOL Dela Cruz, padayong paningkamot sa kapulisan sa Dinagat Islands sa pagsubay ug pagdakop sa mga wanted person, ingon man sa pagpatuman sa balaod aron mapanalipdan ang komunidad ug mahatagan sa hustisya ang mga biktima.
