Nagpatigayon sang Community Awareness Campaign ang Sultan Kudarat Police Provincial Office ukon SKPPO, kaupod ang NAPOLCOM-Sultan Kudarat kag Lambayong Municipal Police Station, sa Barangay Maligaya kag Didtaras, Lambayong, Sultan Kudarat sang Setyembre 7, 2026.
Kabahin ini sang selebrasyon sang ika-32 nga National Crime Prevention Week nga may tinutuyo nga mapalig-on ang partisipasyon sang komunidad sa paglikaw kag pagpugong sang krimen.
Suno kay, Police Major Jayson L. Ortega, Officer-in-Charge sang Lambayong MPS, ang nasambit nga aktibidad nagapatuhoy sa importansya sang pagbinuligay sang kapulisan, barangay officials, community leaders kag mga pumuluyo para sa kalinong kag seguridad.
Nagpatigayon man sang mga lecture ang mga representante sang NAPOLCOM kag SKPPO may kaangtanan sa gender-based offenses, kag sa papel sang Barangay Officials, BPAT members kag Purok Leaders sa crime prevention.
Nagtambong sa aktibidad ang nagkalain-lain nga sektor sang komunidad bilang suporta sa kampanya para sa mas luwas kag malinong nga mga barangay.
Photo Courtesy: PNP Sultan Kudarat Police Provincial Office
