Nagpadala ang Sultan Kudarat Police Provincial Office ukon SKPPO sang 118 ka personnel para magserbisyo bilang Special Electoral Boards kag security contingents sa palaabuton nga BARMM Parliamentary Election 2026.
Ini ang ginpahayag sa Send-Off Ceremony sang Police Regional Office 12 nga ginhiwat sa The Basket, Provincial Pavilion sa Amas, Kidapawan City, sang Setyembre 8, 2026.
Gindul-ong ni PCOL Marvin A. Fontalva, Acting Provincial Director sang SKPPO, ang ceremonial deployment sang mga personnel kaupod kay PBGEN Alan B. Manibog, Regional Director sang PRO 12, kag sa PRO 12 Command Group.
Nagtambong man si COMELEC Regional Election Director Atty. Michael C. Abas, nga nagpabutyag sang importansya sang pagbinuligay sang mga law enforcement agencies kag election authorities para mapabilin ang integridad sang proseso sang eleksyon. Ang mga ginpadala nga personnel magbulig sa pagsiguro sang malinong, hapsay kag seguridad sa tion sang eleksyon.
Photo Courtesy: PNP Sultan Kudarat Police Provincial Office
