Nag-abot sa Butuan City subong nga adlaw, Setyembre 9, 2026 ang Mobile Water Filtration Truck sang DSWD Field Office IV-MIMAROPA, nga gindala sang DSWD Field Office 12 agud magamit sa pagsabat sa kakulangon sang tubig sa syudad nga gin-deklara nga yara sa State of Calamity.
Sang Setyembre 8, nagbiyahe ang team halin sa Regional Resource Operations Section ukon RROS sang DSWD 12 agud idul-ong ang kagamitan sa DSWD Field Office Caraga.
Ang mobile water filtration truck paga-gamiton sa paghatag sang matinlo kag luwas nga tubig sa mga komunidad nga apektado sang water shortage. Ini nga kagamitan nagamit na sang DSWD 12 sa pagresponde sa mga komunidad nga naapektuhan sang magnitude 7.8 nga linog sang Hunyo 8, 2026.
Suno kay DSWD 12 Regional Director Loreto Jr. V. Cabaya, importante ang pagbinuligay sang mga DSWD Field Offices sa paghatag sang gilayon nga suporta sa mga komunidad nga apektado sang kalamidad kag emerhensya.
Photo Courtesy: DSWD 12
