Gikatakdang i-rollout ang bakuna batok sa African Swine Fever o ASF nga gikan sa Vietnam human maaprobahan sa Department of Agriculture–Bureau of Animal Industry, sumala pa sa Provincial Veterinary Office sa Misamis Oriental.
Matud ni PVET Assistant Head Dr. Efren Melner S. Viloria, prayoridad sa Department of Agriculture ang mga lugar nga taas og produksyon sa baboy sa Pilipinas.
Sa pagkakaron, wala pa makadawat og bakuna ang PVET-MisOr, apan gilauman nga moabot kini sa dili madugay. Gilauman nga makatabang ang bakuna sa pagpakunhod sa kabalaka sa mga magbababoy ug pagpanalipod sa industriya batok sa ASF.
Padayon usab ang pagmonitor sa mga awtoridad aron masiguro ang hustong pagpatuman sa programa sa pagbakuna.
Photo courtesy: Department of Agriculture-Bureau of Animal Industry (DA-BAI)
