Luwas ang tanang 44 ka bata human gipusil sa pulis ang iyang asawa nga magtutudlo sa kindergarten sa Chonburi province, Thailand, niadtong Miyerkules. Sumala sa mga awtoridad, luwas usab nga na-evacuate ang mga bata kauban ang tulo ka magtutudlo ug tulo ka school staff human sa insidente sa Nong Pla Lai Municipal Kindergarten sa Bang Lamung district.
Base sa report, miabot sa eskwelahan ang suspek nga pulis ug nakigsulti sa iyang asawa sa wala pa kini mamusil. Wala makakita ang mga bata sa pagpamusil tungod kay nahitabo kini sa gawas sa classroom. Human sa insidente, miuli ang suspek sa ilang balay diin gilibotan siya sa mga pulis samtang gihangyo nga mosurender.
Samtang, gimandoan sa gobernador ang temporaryong pagsira sa kindergarten ug paghatag og psychological support alang sa mga bata ug staff nga naapektuhan sa insidente. Wala pa mahibaloi sa mga awtoridad ang motibo sa pagpamusil.
Photo courtesy: x.com
