Naluwas sa mga awtoridad sa Indonesia ang duha ka orangutan, usa ka inahan ug iyang anak human nameligro ang ilang pinuy-anan tungod sa kaylap nga sunog sa kalasangan sa sa West Kalimantan Indonesia.
Gibalhin sila ngadto sa usa ka rescue center nga gidumala sa Yayasan Inisiasi Alam Rehabilitasi Indonesia (YIARI) human mikaylap ang kalayo duol sa ilang pinuy-anan. Padayon nga gi-monitor sa mga beterinaryo ang ilang kahimtang, apan sa unang pagsusi wala’y nakita nga paso o samad sa duha ka orangutan.
Matod sa YIARI, ang dugay nga pagka-expose sa aso mahimong makaapekto sa respiratory system sa mga orangutan, ilabi na kung baga kaayo ang aso sa ilang pinuy-anan.
Photo Courtesy:Asharq-Al-Awsat
