Girekord ni Marion Stokes ang mga programa sa telebisyon sulod sa kapin 30 ka tuig tungod sa iyang kabalaka nga mahimong mausab o makalimtan ang mga detalye sa kasaysayan.
Sugod niadtong 1979, halos walay hunong ang iyang mga VCR sa balay sa Philadelphia, diin iyang girekord ang news broadcasts, talk shows, breaking news ug ordinaryong mga programa. Sa iyang pagkamatay niadtong 2012, mikabat sa 71,716 ka VHS ug Betamax tapes ang iyang koleksiyon.
Ang dakong archive sa mga recording sa ulahi gidonar ngadto sa Internet Archive aron mapreserbar ug ma-digitize, nga maghatag sa umaabot nga henerasyon og oportunidad nga mabalikan ang orihinal nga mga sibya sa telebisyon.
Photo Courtesy: TOP10s
