Gipaambit ni actress Frankie “Kakie” Pangilinan nga wala niya sukad giisip nga half-sister lamang niya ang iyang magulang nga si KC Concepcion. Matud ni Kakie, bisan dili sila full siblings, wala kini nakausab sa iyang pagtan-aw ug gugma kang KC isip iyang magulang nga igsoon.
Si KC anak ni Megastar Sharon Cuneta ug kanhi partner niini nga si Gabby Concepcion, samtang si Kakie anak ni Sharon ug Senator Kiko Pangilinan.
Giklaro usab ni Kakie nga sukwahi sa pipila ka mga komentaryo sa social media, gimahal niya pag-ayo si KC ug wala nahimong babag ang ilang kalainan sa amahan sa ilang relasyon isip managsoon.
Photo Courtesy: instagram@kakie
