Naa sa top 14 si Charlie Woods human sa ikaduhang round sa Junior Players Championship nga gipahigayon sa Florida, Estados Unidos. Ang 17-anyos nga anak sa golf legend nga si Tiger Woods nakahimo og upat ka birdie ug lima ka bogey alang sa 1-over-par 73 sa iyang second round.
Gidugang kini sa iyang 1-under-par 71 sa unang round, busa even par na siya sa kinatibuk-ang standing ug nagtabla sa ika-14 nga pwesto human sa duha ka rounds.
Maayo ang pagsugod ni Woods human nakahimo og birdie sa ikaduhang ug ikatulong holes, apan nabawi kini sa bogey sa ika-upat ug ikaunom nga holes.
Nakabawi siya og birdie sa No. 10, apan nakahimo og bogey sa Nos. 11, 12 ug 16. Bisan pa niini, nakapakita siya og lig-on nga duwa sa katapusan sa round human makapar sa challenging No. 17 island green ug makabirdie sa No. 18.
Samtang, sila Sam Carraher, Giuseppe Puebla ug Dawson Lew ang nagtabla sa unang pwesto nga adunay 4-under-par. Ang final round sa Junior Golf Championship ipahigayon karong Dominggo.
Photo Courtesy: Yahoo Sports
