Nagbayad og piyansa niadtong Sabado si Bise Presidente Sara Duterte alang sa tulo ka kaso sa grave threats nga gipasaka batok kaniya sa Quezon City Regional Trial Court (RTC). Personal nga miatubang si Duterte sa QC RTC Branch 98, uban sa iyang mga abogado nga sila Atty. Paul Lawrence Lim ug Atty. Michael Poa, alang sa pagproseso ug pagbayad sa piyansa.
Moabot sa P360,000 ang iyang cash bond kun P120,000 alang sa matag usa sa tulo ka kaso. Human niini, nagpagawas dayun ang korte og mando nga bawion ang warrant of arrest. Samtang gipaklaro ni Lim nga gigamit sa bise presidente ang iyang katungod nga makapiyansa samtang nagpadayon ang legal nga proseso.
Kalabot niini, gitan-aw usab sa legal team ang posibleng mga legal nga lakang kalabot sa pagpatuman sa warrant of arrest kini human miingon si Duterte nga adunay mga otoridad nga miadto sa balay sa iyang pamilya hinungdan sa iyang kabalaka alang sa iyang kaluwasan.
Samtang gipasalig usab ni Lim nga ilang susihon pag-ayo ang maong insidente ug ang angay nga aksyon nga mahimong himoon.
Photo Courtesy: PNA
