Wala nagpapugong si Alysia Montaño, usa ka 28-anyos nga Amerikanang track runner nga muapil sa 800-meter race sa US Track and Field Championships bisan paman nga hapit na siya manganak. Nasayran nga gusto gihapon niini nga mudagan ug makiglumba sa uban bisan pa man nga pipila na lamang ka semana sa wala pa ang iyang gikatakdang pagpanganak.
Sumala sa report nga nahuman ni Montaño ang lumba sulod sa 2 minutos ug 32.13 segundos. Matod pa niya nga dili niya tumong ang pagdaog, apan iyang gipaningkamotan nga mahuman ang lumba nga dili malabwan og usa ka lap sa ubang mga magdadagan.
Gani, ayha paman nagsugod ang kalihokan una na siyang nangonsulta sa iyang doktor ug nakakuha og pagtugot nga muapil sa dagan. Tungod niini, daghan ang nahikurat ug wala makatoo sa iyang gipakita nga dedikasyon nga bisan paman nga buntis siya apan nakuha pa gihapon niini ang pagdagan.
Photo Courtesy: CNN
