Aktibong miapil ang mga personahe sa BFP Caraga Fire Station sa gipahigayong Simultaneous School Safety Drill niadtong milabay nga adlaw didto sa San Jose Elementary School sa Santiago ug Caraga National High School, Caraga, Davao Orientsal.
Tumong sa maong kalihokan aron mapalig-on ang kaandam, koordinasyon, ug katakos sa mga personahe sa eskwelahan, mga estudyante, ug emergency responders sa hustong pagtubag kung adunay mahitabong insidente nga mahimong mameligro ang kinabuhi ug kaluwasan.
Sumala sa BFP Caraga nga padayon ang ilang pagsuporta sa Department of Education ug uban pang mga hingtungdan sa pagpalambo sa mga pamaagi sa pagresponde ug pagpanalipod sa mga estudyante ug personnel sa panahon sa emerhensiya.
Dugang pa niini, ang kanunayng pagpraktis ug hustong pagpangandam makatabang sa pagminus sa risgo ug posibleng kadaot panahon sa tinuod nga insidente.
Photo Courtesy: BFP Caraga Fire Station
