Gidasig ang mga lokal ug international investors nga mamuhunan sa tourism ug retirement facilities sa Sarangani ug General Santos City, nga giila nga adunay dakong potensyal isip destinasyon sa Mindanao.
Atol sa 2026 SOX Investment Tourism Forum sa Parañaque City, gipasiugda sa Department of Tourism ang barato ug kombenyenteng pagpuyo ug pagbiyahe sa maong mga lugar.
Matud ni DOT-Soccsksargen Regional Director Nelia Arina, ubos ang gastuhon sa General Santos City ug daghan pa ang mahimong mapalambo niini alang sa turismo ug retirement sector.
Gipasalig usab nga luwas ug adunay maayong oportunidad ang Sarangani ug General Santos City alang sa mga investors, diin dagkong industriya ug korporasyon ang nag-operate.
Kapin 30 ka investors, lakip ang mga Koreano, Hapon ug Chinese, ang mitambong sa forum.
Gilauman sa DOT nga pinaagi sa investment tour, mas daghang kasabutan ug proyekto ang mapundar aron dugang mapalambo ang turismo ug retirement sector sa rehiyon.
Photo Courtesy:Wikipedia
