Gipalambo sa Foreign Ministry sa Japan ang usa ka smartphone application nga mogamit sa GPS data aron matino ang lokasyon sa mga Japanese national nga nagpuyo o nagbiyahe sa ubang nasud.
Pinaagi sa pagtugot sa users, gamiton ang location information aron mas paspas nga makumpirma ang ilang kaluwasan panahon sa armadong panagbangi o dagkong kalamidad.
Target sa Japan nga sugdan ang operasyon sa app sa fiscal year 2027. Gidisenyo usab kini nga magamit bisan sa mga lugar nga huyang ang mobile signal, ug mahimong padad-an ang users og mensahe aron mangutana sa ilang kahimtang ug makadawat dayon og tubag.
Mahimo usab pinaagi sa app ang pag-submit sa pipila ka dokumento alang sa dugay nga pagpuyo sa gawas sa Japan ug pag-apply og stay certificates.
Lakip usab niini ang paghatag og local safety information, isip dugang nga pamaagi sa Japan sa pagpanalipod ug pagmonitor sa kaluwasan sa ilang mga nationals panahon sa emerhensiya.
Photo Courtesy: x.com
