Gipasiugda ni Provincial Governor Rogelio Neil Oneil Roque ang panawagan alang sa padayon nga pagkat-on, pagpahaom, ug pagpangita og mas epektibong paagi sa pag-alagad atol sa pag-abli sa Puso, Dangal, at Galing Para sa Bayan 126th Philippine Civil Service Anniversary Celebration. Ang maong kick-off activity gipahigayon niadtong Setyembre 4, 2026, sa Bukidnon Sports and Cultural Complex, Barangay Laguitas, Dakbayan sa Malaybalay. Gitambongan kini sa mga opisyal, department ug division heads, ug mga kawani sa Kapitolyo Probinsyal.
Sa iyang mensahe, gipahinumdoman ni Gov. Roque ang mga alagad sa gobyerno nga padayon nga nagbag-o ang panginahanglan sa katawhan taliwala sa nagkadakong mga hagit sa katilingban. Taliwala sa nagkalain-laing grupo alang sa selebrasyon, gipatigbabaw sa gobernador ang pagpanalipod sa prinsipyo sa “One Provincial Government”—usa ka panaghiusa sa tanang departamento nga adunay bugtong tumong sa paghatag og tinud-anay nga serbisyo sa katawhan sa Bukidnon.
Aron mas gipalig-on ang panag-uban, gitukod sa Provincial Government of Bukidnon (PGB) ang upat ka grupo: ang Black Ninjas, Red Bravehearts, Blue Vortex, ug Green Vanguards. Kauban ni Gov. Roque sa maong kalihokan sila Vice Governor Clive Quiño ug ang mga miyembro sa 27th Sangguniang Panlalawigan, diin gipangulohan ni Board Member Bobby Jay Dinlayan ang oath of sportsmanship samtang si Board Member Ranulfo Jose Pepito, Jr. ang pormal nga nagbukas sa usa ka buwan nga selebrasyon nga gisugdan pinaagi sa usa ka masadyaong Cheerdance Competition
Photo Courtesy: LGU Bukidnon
