Gipagawas sa White House ni US President Donald Trump ang website nga adunay mga classic arcade-style video games nga giusab aron magdala sa mga tema sa iyang immigration ug border policies. Lakip niini ang “Rio Run,” diin ang digital nga karakter ni US border czar Tom Homan mogukod sa mga migrante duol sa Rio Grande, ug ang “Build the Wall,” nga gibase sa block-stacking game nga Tetris.
Aduna usab game nga may kalabotan sa “Trump Accounts,” investment accounts nga adunay $1,000 nga deposito alang sa kwalipikadong mga bata nga natawo gikan 2025 hangtod 2028. Matud sa White House, tumong sa mga duwa nga ipresentar sa mas makalingaw nga paagi ang mga polisiya ug giisip nilang mga kalampusan sa administrasyon.
Apan gibatikos kini sa mga rights group, nga miingon nga dili angay himuong kalingawan ang deportation ug mga isyu nga direktang nakaapekto sa kinabuhi sa mga migrante. Ang pagpagawas sa gaming website nahitabo samtang gipakusgan sa Trump administration ang pagdakop ug deportation sa mga undocumented migrant sa Estados Unidos.
Photo Courtesy: South China Morning Post
