Nahanaw sa brain scans ang tumor ni Lucas Jemeljanova, kinsa 6-anyos pa lamang sa dihang nadayagnos og diffuse intrinsic pontine glioma (DIPG), usa ka delikado nga matang sa brain cancer sa mga bata. Tungod sa lokasyon niini sa brainstem, lisod operahan ang DIPG ug kasagarang mubo ang survival sa mga pasyente.
Miapil si Lucas sa experimental clinical trial sa France diin nakadawat siya og radiotherapy ug targeted medicine nga everolimus. Sa misunod nga mga tuig, padayon nga mikunhod ang iyang tumor hangtod wala na kini makita sa scans.
Sa edad nga 13, giila si Lucas nga unang nailhang bata nga nakab-ot ang complete remission gikan sa DIPG, usa ka kaso nga naghatag og bag-ong paglaum sa padayong pagtuon batok sa maong sakit.
