Nagpatuman og usa ka tuig nga moratorium ang New York City sa paggamit sa Artificial Intelligence o AI sa mga pampublikong elementarya ug middle school sa ilang siyudad. Giisip kini nga usa sa pinakahugot nga lakang sa Estados Unidos bahin sa paggamit sa bag-ong teknolohiya sulod sa mga classroom.
Ubos sa maong polisiya, temporaryong ipahunong ang paggamit sa kapin 40 ka educational tools nga adunay AI features sa mga eskwelahan. Matud ni New York City Mayor Zohran Mamdani, importante nga makadawat ang mga bata og personal nga giya gikan sa mga magtutudlo ug direktang pakig-interact sa ilang mga kauban aron mas epektibong makakat-on.
Gibanabana nga mokabat sa 600,000 ka estudyante hangtod Grade 8 ang maapektuhan sa maong polisiya. Apan, gitugotan gihapon ang mga magtutudlo ug pipila ka piniling high school students nga mogamit sa AI alang sa ilang mga buluhaton ug edukasyonal nga panginahanglan.
Samtang, wala pa magpagawas og opisyal nga pahayag ang dagkong kompanya sa AI sama sa Google, Anthropic, ug Microsoft bahin sa maong polisiya.
Photo Courtesy:Instagram
