Viral sa social media ang usa ka insidente nga naglambigit sa usa ka humanoid robot nga giingong misumbag sa usa ka customer sulod sa usa ka electronics store sa Saratov, Russia. Sa viral nga video, makita ang usa ka lalaki nga misulay og pakiglamano sa robot, apan wala kini makiglamano.
Human niini, nakita nga gamayng pagtulod sa lalaki ang robot. Kalit lamang nga mibalos ang humanoid robot og misumbag sa customer, hinungdan nga nakurat ang mga tawo nga nakasaksi sa insidente.
Matud sa mga report, posibleng adunay technical o system malfunction nga maoy hinungdan sa dili husto nga reaksyon sa robot. Giingong gipailalom dayon kini sa gitawag nga “emotional reboot” aron ma-reset ang sistema ug mapakalma ang robot.
Tungod sa talagsaong insidente, nagkalain-lain ang reaksyon sa mga netizen. Adunay nangatawa sa nahitabo, samtang ang uban nagpahayag usab og kabalaka bahin sa kaluwasan ug kontrol sa mga humanoid robot kung gamiton na kini sa mga pampublikong lugar. Aduna sab mikomento nga mahimong malas sa negosyo tungod sa pagsumbag sa kustomer.
Photo Courtesy: Nathanistic
