Gisaulog sa City Health Office sa Tagum City ang kahinungdanon sa paghatag og suporta ug pagpaminaw sa mga tawo nga nag-atubang og bug-at nga emosyonal nga kahimtang, ilabina karong Setyembre nga gisaulog isip Suicide Prevention Awareness Month.
Gipatin-aw nga ang paghuna-huna o pagtapos sa kaugalingong kinabuhi dili angay tan-awon isip kakulangon o kapakyasan, kundili usa ka timailhan nga ang usa ka tawo mahimong nanginahanglan na og tabang ug suporta.
Pinaagi sa mental health program, gidasig ang publiko nga mahimong mas sensitibo sa mga warning signs ug dili magpanuko sa pagpangayo og tabang o pagpaminaw sa usa ka nanginahanglan.
Dugang niini, ang mga gustong makig-istorya mahimong moduol sa City Health Office – Mental Health Program sa Mabini St., Barangay Magugpo South, Tagum City, matag Martes ug Huwebes, alas-8 sa buntag hangtod alas-12 sa udto, diin gitanyag ang pagpaminaw ug suporta nga adunay pagrespeto sa privacy ug confidentiality.
Photo Courtesy: City Health Office of Tagum
