Ginpangunahan ni PBGen Christopher M. Abecia, Regional Director sang Police Regional Office Bangsamoro Autonomous Region ukon PRO BAR, ang contract signing ceremony kaupod ang Max-Tel Industries Corporation sang Setyembre 4, 2026, para sa upgrading, uprating kag improvement sang power distribution line system sa PRO BAR Camp.
Ginpatigayon ang ang pagpirma sang kontrata sa Regional Headquarters Building sang PRO BAR sa Camp Brigadier Salipada K. Pendatun, Parang, Maguindanao del Norte. Katuyuan sini nga mahatagan sang mas masaligan, luwas kag episyente nga suplay sang kuryente ang mga opisina kag pasilidad sa sulod sang kampo.
Suno sa PRO BAR, ginapaabot nga makabulig ang proyekto sa pagpalig-on sang operational readiness sang kapulisan kag sa pagpasiguro nga magapadayon ang mga importante nga serbisyo sang PNP.
Pinaagi sa mas maayo nga power distribution system, mas masuportahan ang mga personnel sang PRO BAR sa ila adlaw-adlaw nga operasyon kag sa pagtuman sang ila mandato kag responsibilidad sa publiko.
Photo Courtesy: PNP Police Regional Office Bangsamoro Autonomous Region
