Nagpalig-on sang suporta ang Police Regional Office 12 ukon PRO 12 sa mga inisyatibo para sa kalinong kag reconciliation sa Sultan Kudarat, sa ginpatigayon nga First Provincial Sultan Kudarat Peace Advocates Assembly sang Setyembre 3, 2026 sa Sultan Kudarat Convention Center, Tacurong City.
Ginrepresentar ni PCOL Marvin A. Fontalva, Acting Provincial Director sang Sultan Kudarat Police Provincial Office, si PRO 12 Regional Director PBGen Alan B. Manibog, kag ginpabutyag ang suporta sang kapulisan sa peacebuilding efforts sa probinsya.
Nagtipon sa aktibidad ang mga opisyal sang gobyerno, military kag kapulisan, peace advocates, kag iban pa nga stakeholders’ para palig-unon ang kooperasyon, pagkahiusa kag padayon nga pag-uswag sang Sultan Kudarat.
Isa sa mga highlight sang assembly ang panumpa sang bag-o nga mga opisyal sang Provincial SPAND Sultan Kudarat. Samtang, 16 ka “Friends Rescued” ang pormal nga nagsurrender, kaupod ang ila mga armas, nga ginkabig nga isa ka tikang padulong sa reconciliation kag community transformation.
Suno kay PBGen Manibog, importante ang padayon nga partnership sang gobyerno, security forces, peace advocates kag mga komunidad para sa malawig nga kalinong kag kauswagan sa Sultan Kudarat.
Photo Courtesy: PNP Sultan Kudarat Police Provincial Office
