Nakig-upod ang Integrated Bar of the Philippines ukon IBP, sa pagpanguna ni IBP President Atty. Emely Delos Santos, sa Nationwide Synchronized Jail Decongestion Activity nga ginpatigayon sa Isulan, Sultan Kudarat sang damlag lang.
Kabahin ini sang tikang agud mabuhinan ang kadamuon sang mga persons deprived of liberty ukon PDL sa mga jail facility kag masiguro nga makabaton sila sang nagakaigo nga legal assistance.
Sa aktibidad, gin-usisa kag gin-review ang legal nga kahimtangan sang mga PDL agud mahibaluan kon sin-o ang mahimo magkwalipikar sa nagkalain-lain nga legal remedies ukon posible nga pagpagwa, suno sa ila mga kaso.
Ginapatumod man sang programa ang pagpasanyog sang access sa hustisya kag pagpasangkad sang kooperasyon sa tunga sang IBP kag mga jail authorities.
Ang aktibidad kabahin sang masangkad nga panikasog sa pag-atubang sang jail congestion kag pagpasiguro nga maprotektahan ang mga kinamatarung sang mga PDL.
Photo Courtesy: IBP-Sultan Kudarat Chapter
