Ginselebrar sang Barangay Sison sa banwa sang Bagumbayan, Sultan Kudarat ang ika-31st nga Foundating Anniversary halin Setyembre 1 tubtob 3, 2026, nga nagtipon sa mga residente sa serye sang mga aktibidad para sa komunidad.
Kabahin sa selebrasyon ang Fiesta Mass kag blessing sang bag-o nga multipurpose building project sang barangay, nga ginalauman nga mangin lugar para sa mga pagtilipon kag serbisyo sa mga residente.
Ginpatigayon man ang mga aktibidad para sa mga mangunguma, lakip ang Farmers’ Raffle Draw kag Catching Piglet game. Ginkilala man ang mga nagdaog sa nagkalain-lain nga raffle prizes.
Nangin isa sa pinakadaku nga highlight ang Lechon Boodle Fight Contest nga ginsakopan sang siyam ka purok kag duha ka lechon halin sa Barangay Council.
Gintapos ang tatlo ka adlaw nga selebrasyon pinaagi sa Convergence Night, nga nangin kahigayunan para sa mga taga- Sison nga magtililipon kag magselebrar sang pagkahiusa, tradisyon, serbisyo kag pag-uswag sang barangay.
Photo Courtesy: Elizer David Segura
