Naangol ang usa ka 29-anyos nga lalaki human kini gipusil sa iyang 42-anyos nga kaubang sa inom gamit ang usa ka improvised shotgun o sumpak Setyembre 4, 2026, sa may Purok-17, Brgy. Hindangon, Valencia City, Bukidnon.
Base sa imbestigasyon sa Valencia City Police Station dunay kompromtasyon samtang nag-inom ang biktima nga si Julius Egam 29 anyos og residente ra usab sa maong lugar tali sa suspetsado nga si alyas “Toto” nga residente sa Purok 18 sa dakbayan
Misulay unta sa paglikay ang suspek pinaagi sa pag-adto sa duol nga guardhouse, apan gisundan gihapon kini sa biktima ug gisumbag iyang itlog o groin area. Tunga sa kaputong, gikuha sa suspek ang iyang sumpak ug gipusil ang biktima sa tuo nga bahin sa iyang dughan sa wala pa kini mikatala sa paglayas.
Dali nga gidala sa Valencia City Rescue ang biktima ngadto sa Polymedic General Hospital diin kini kasamtangang anaa na sa stable nga kahimtang samtang giatiman sa mga doktor.
Samtang, gipaubos na sa full alert ang tanang yunit sa kapulisan ug gilunsad ang hot pursuit operation ug containment aron nadakpan ang mikalagiw nga suspek.
Photo Courtesy:Valencia City Police Station
