Nagpasidaan ang kagamhanan sa dakbayan sa Malaybalay pinaagi sa City Environment and Natural Resources Office (City ENRO) sa publiko nga mag-amping batok sa naobserbahang haze ug taas nga lebel sa Particulate Matter (PM2.5 ug PM10) sa aso dala sa hangin gikan sa transboundary nga mga dako ug lapad nga wild fire didto sa Kalimantan, Indonesia, nga nakahatag og epekto sa kalidad sa hangin sa nagkalainlaing dapit sa nasod.
Tungod kay giayo pa ang opisyal nga air quality monitoring station sa Malaybalay sa buhatan sa EMB, nagbase ang dakbayan sa kasadpang mga station diin ang CMU-Maramag nakatala og AQI nga 77 (Fair/Moderate) niadtong Agosto 31, samtang ang Cagayan de Oro nakatala og AQI nga 128 nga giisip nga Unhealthy for Sensitive Groups as of Setyembre 2, 2026.
Tungod sa nag-usab-usab nga kondisyon sa hangin, gipahinumdoman sa City ENRO ang katawhan, ilabina ang mga bata, edaran, ug kadtong adunay sakit sa baga o kasingkasing, nga limitahan ang pagpabilin o pag-ehersisyo sa gawas ug magsul-ob og maayong klase sa mask (N95 mask) kung kinahanglan. Naghangyo sab ang buhatan sa publiko nga likayan ang mga kalihokan nga makadugang sa hugaw sa hangin sama sa pagpagsunog sa basura ug ugang dahon.
Gipatin-aw usab sa City ENRO nga ang maong hulga sa transboundary haze nagpahinumdom sa kaimportante sa pagpanalipod sa nahabilin nga mga lasang sa Malaybalay, diin ang mga kakahoyan ug tanom makatabang sa paglimpyo ug pagsuhit sa mga abog sa palibot.
Photo Courtesy: City ENRO
