Nagplano ang Social Security System o SSS nga maglunsad og Energy Sustainability Loan Program alang sa mga miyembro niini sa unang bahin sa sunod tuig. Matud ni SSS President Robert Joseph de Claro, ang programa maghatag og loan nga mokabat sa P200,000 hangtod P400,000, nga mahimong bayran sulod sa upat hangtod pito ka tuig.
Gilauman nga mahuman sa SSS ang mga lagda ug guidelines sa programa sa dili pa matapos ang tuig. Dugang pa nga mokabat sa P40 bilyon ang pondo nga igahin alang sa maong loan program.
Sumala ni de Claro, pangutan-on pa sa SSS ang mekanismo ug mga safeguards aron masiguro nga ang hinulaman nga kwarta magamit sa pagpalit og solar energy system alang sa panimalay.
Gitun-an usab sa SSS ang posibilidad nga magamit ang maong loan alang sa down payment sa electric vehicle.
Photo Courtesy: PNA
