Patay ang 2 ka tawo, lakip ang babayeng suspek, samtang usa ang naangol human sa stabbing incident sa Times Square sa New York niadtong Lunes. Sumala sa mga awtoridad, gidunggab sa suspek ang usa ka tawo nga namatay, samtang laing biktima ang naangol ug gidala sa ospital diin anaa sa stable nga kondisyon.
Gipahayag ni New York City Mayor Zohran Mamdani ang pagkamatay sa biktima ug sa suspek atol sa press conference human sa insidente. Matud sa usa ka saksi, adunay 2 ka kutsilyo ang suspek ug una kining gigamitan og taser sa kapulisan. Apan giingong misulong kini ngadto sa mga police officer, hinungdan nga gipusil sa kapulisan.
Gikumpirma sa New York Police Department nga officer-involved shooting ang nahitabo ug padayon ang imbestigasyon aron matino ang kompletong detalye ug motibo sa insidente.
Sa inisyal nga imbestigasyon, wala motuo ang kapulisan nga adunay kalambigitan sa terorismo ang pagpangdunggab. Daghang emergency personnel ug mga awtoridad ang miresponde sa Times Square human sa insidente.
Photo Courtesy: RTE
