Liboan ka mga pasahero ang nalangan ang biyahe sa pangunang airport sa Kenya human misulod sa ikaduhang adlaw ang “go-slow strike” sa mga empleyado niini. Ang protesta sa Jomo Kenyatta International Airport gipangulohan sa Kenya Aviation Workers’ Union o KAWU tungod sa dili pagkasinabtanay sa collective bargaining agreement ug kakulang sa kooperasyon gikan sa mga responsable sa airport ug mga airline companies.
Tungod sa sitwasyon, pipila ka mga airport ug airline ang mikansela sa ilang mga flight paingon sa Nairobi human makasinati og mga problema sa air traffic control. Adunay mga pasahero nga milapas og 12 ka oras sa paghulat sa airport sa wala pa sila gipahibalo nga gikansela o gibalhin sa sunod nga adlaw ang ilang mga flight.
Padayon ang pakigpulong sa mga lider sa KAWU uban sa mga opisyal sa gobyerno aron masulbad ang isyu. Apan nagpabilin ang strike samtang nagpadayon ang negosasyon tali sa unyon, airport authorities ug mga airline companies.
Photo courtesy: France 24
