Gipasidunggan sa Provincial Government of Cotabato ang Kidapawan City tungod sa mga programa niini alang sa kaluwasan, kalinaw ug kaayohan sa mga residente.
Nakadawat ang siyudad og Special Recognition for Excellence in Governance alang sa Anti-Trafficking and VAWC Functionality, diin nakakuha kini og 110-percent rating.
Giila usab ang dakbayan tungod sa performance niini sa kampanya batok ilegal nga droga, nga nakakuha og 90-percent High Functionality Rating sa 2025 ADAC Performance and Audit Awards.
Samtang, gihatagan usab og pasidungog ang Barangay Ginatilan isip awardee sa Lupong Tagapamayapa Incentives Awards, nga nagpakita sa paningkamot sa barangay sa pagmintinar sa kalinaw ug panaghiusa.
Photo Courtesy: City Government of Kidapawan
