Misaka ang releases sa pagpagawas sa Social Security System (SSS) sa Emergency Loan amid sa grabeng pagbaha nga dala sa bagyo ug habagat. Matud sa SSS, gikan sa average nga 91-million pesos kada adlaw ang loan releases, misaka kini ngadto sa 136-million pesos kada adlaw sukad nisugod ang kusog nga ulan tulo ka semana na ang milabay. Sukad Disyembre 2025, mokabat na sa 14.58-billion pesos ang emergency loans nga napahulam sa kapin 838-thousand ka miyembro.
Alang sa mga kwalipikadong miyembro nga naapektuhan sa kalamidad, mahimong makahulam og hangtod 20-thousand pesos, nga adunay 7-percent nga interest kada tuig ug bayran sulod sa 30 ka bulan.
Aduna usab unom ka bulan nga moratorium, diin dili pa kinahanglan mobayad og monthly amortization; magsugod ang regular nga bayad sa ikapitong bulan. Padayon ang programa hangtod Abril 30, 2027, gawas kon palawman pa kini sa Presidente.
Photo Courtesy: Philippine News Agency
