Gisugdan na ang DNA analysis ang 19 ka miyembro sa Indian forensic team aron matabangan ang pag-ila sa mga biktima ug mga tawo nga gikatahong nawala sa bag-ohay nga flash flood sa Nepal, niadtong setyembre 1, 2026.
Gipahigayon ang DNA testing sa Nepal Police Central Forensic Science Laboratory ug sa National Forensic Science Laboratory sa Khumaltar, Kathmandu, diin nakigtambayayong ang mga eksperto sa India ug Nepal.
Sumala sa Indian Embassy, tumong sa maong operasyon nga mapadali ang pagproseso sa DNA samples nga nakolekta gikan sa mga lugar nga naapektuhan sa baha ug matino ang pagkatawo sa mga namatay ug missing persons.
Ang maong forensic team gipadala sa India isip kabahin sa ilang tabang sa Nepal human sa makamatay nga flash flood niadtong Agosto 26. Base sa pinakabag-ong report sa Nepal Police, 1,068 na ka mga lawas ang narekober, lakip ang 400 ka partial remains, nga nakapalisod sa proseso sa pag-ila sa mga biktima.
Photo Courtesy: x.com
