Nakumpiskar sa San Carlos City seaport ang gibana-banang p1.98 milyon nga balor sa ilegal nga sigarilyo human makit-an sulod sa usa ka van sa Barangay 6, San Carlos City, Negros Occidental, lunes sa gabii, agosto 31, 2026.
Giila ang mga dinakpan sila alyas sila Alyas “Nurhamin,” 30-anyos, ug “Alsaif,” 24 anyos parehong lumulupyo sa sugbo. Nakuha sa kapulisan ang 1,980 ka reams sa ilegal nga sigarilyo nga gitago sulod sa van nga gimaneho sa duha ka lalaki.
Gikumpiska sa mga pulis ang mga kontrabando nga mokabat sa P1,980,000.
Sa pagkakaron, padayon ang imbestigasyon sa kapulisan aron mahibal-an ang tinubdan ug destinasyon sa mga ilegal nga sigarilyo, lakip na ang posibleng paglapas sa balaod sa excise tax.
Photo Courtesy: NOCPPO
