Gisakop sa San Carlos Futsal teams ang entablado sa NORFA Futsal Developmental Tournament sa Pontevedra, human mag champion ang U12 Girls ug U17 Girls ang, samtang mitapos isip 2nd Runner-Up ang U12 Boys. Gipakita sa mga batan-ong atleta ang ilang kaisog, panaghiusa, ug determinasyon sa tibuok kompetisyon.
Misidlak usab ang San Carlos sa indibidwal nga mga pasidungog. Sa U17 Girls, ginganlan isip Best Goalkeeper si Felixety Fernandez, Best Defender si Shine Cadayona, Best Striker si Nicole Zurita, ug MVP si Zoe Oplas. Sa U12 Girls, nakadaog sa Best Goalkeeper si Sab Rada, Best Striker si Angel Viterbo, ug MVP si Aleah Soledad.
Giila sa team ang dakong suporta ni City Mayor Hon. Renato Y. Gustilo ug Club President Pocholo C. Yuvienco, nga padayon nga nagpaluyo sa pagpalambo sa futsal ug grassroots sports sa San Carlos. Gipasalamatan usab ang NORFA, lokal nga pangagamhanan sa Pontevedra, mga coach, ginikanan, ug supporters.
Labaw sa mga tropeyo ug medalya, ang kampanya nagpamatuod sa tinuod nga tumong sa programa ang pagtukod dili lamang og mga hanas nga magdudula, kondili usa ka lig-on, nagkahiusang, ug padayon nga team. Para sa San Carlos Futsal, usa na usab kini ka lakang padulong sa mas dagkong hagit ug kalampusan.
Photo Courtesy: SAN CARLOS CITY NEGROS FOOTBALL CLUB
