Giangkon ni Ryan Bang nga si Yeng Constantino usa sa iyang gitawag nga “TOTGA” o “The One That Got Away,” human niya balikan ang ilang kaniadto nga “almost love story.”
Sa iyang pagbaliklantaw sa ilang relasyon isip suod nga higala, giangkon ni Ryan nga tungod sa iyang insecurities niadtong panahona nga wala pa siyay igong kuwarta, sakyanan ug kumpiyansa aron ipadayon ang iyang pagpanguyab kang Yeng.
Matud ni Ryan, magdate sila ni Yeng apan kasagaran si Yeng ang mobayad sa ilang pagkaon. Usa sa iyang nahinumdoman mao ang ilang pagkaon sa Serendra, diin gusto unta niyang librehon ang pamilya sa singer apan wala siyay igong kuwarta.
Gibutyag usab niya nga sa dihang giimbitar siya ni Yeng sa iyang concert, mihulam pa siya og sakyanan kang Mommy Vice ug nagdala og bulak alang sa singer. Apan tungod kay daghan kaayong fans ni Yeng ug mas nailhan ang singer niadtong panahona, mas misamot ang iyang pagbati nga dili siya angay para kang Yeng.
Mas nakapakurat kang Ryan ang pagkahibalo nga crush usab diay siya ni Yeng. Tungod niini, misulod sa iyang hunahuna ang daghang “what ifs,” ilabina kay dugay niyang gituohan nga walay posibilidad nga magka-relasyon sila.
Sa iyang paghinumdom, miingon si Ryan nga nahadlok siya sa iyang kaugalingon ug wala niya napanindigan ang iyang tinuod nga pagbati tungod sa iyang insecurity ug kahadlok nga basin dili siya dawaton ni Yeng.
Sa ulahi, mipadayag siya og pagpangayo og pasaylo kang Yeng, tungod kay wala niya damha nga aduna diay siyay higayon kaniadto. Giangkon usab ni Ryan nga tinuod ang iyang gibati ug nahigugma gyud siya kang Yeng niadtong panahona.
Photo Courtesy: Jev Patalinghug
