Gipahugtan sa National Grid Corporation of the Philippines (NGCP) ang power alert sa Visayas ug Mindanao karong pagsugod sa Septyembre tungod sa nipis nga power reserves, nga posibleng mosangpot sa brownout.
Gideklarar sa NGCP ang red alert sa Visayas gikan alas-2 sa hapon hangtod alas-9 sa gabii, samtang yellow alert gikan alas-1 hangtod alas-2 sa hapon ug alas-9 hangtod alas-10 sa gabii.
Samtang, yellow alert usab ang Mindanao gikan alas-1 sa hapon hangtod alas-8 sa gabii, diin ang maong grid nagasuplay usab og kuryente ngadto sa Visayas.
Matud sa NGCP, nagpasabot ang yellow alert nga nipis na ang available power reserves, samtang ang red alert nagtimaan nga dili na igo ang suplay aron matubag ang panginahanglan. Gipasidan-an ang publiko nga posible ang rotational brownouts kung dili makontrol ang konsumo o adunay kalit nga pagkadaot sa mga planta.
