Dako ang pasalamat ni Gilas Pilipinas head coach Tim Cone kang Kai Sotto human modaog sila sa duha ka duwa sa fourth window sa FIBA World Cup Asian Qualifiers.
Gisulti kini ni Cone human sa ilang 68-56 nga kadaugan batok sa Iran. Matod niya, kung wala si Sotto nga adunay gitas-on nga 7-foot-3, posible nga dili nila mapildi ang Jordan ug Iran.
Dako ang nahimong tabang ni Sotto aron mahabol sa Gilas ang 13 puntos nga labaw sa Iran. Nakarekord siya og 13 puntos, 16 rebounds, ug tulo ka assists, lakip ang dili makalimtan nga block batok sa Iranian player nga nakatabang sa ilang 82-81 nga kadaugan. Gipasidunggan usab ni Cone ang dakong kontribusyon ni Sotto ilabina kay wala nila makuyogi si Justin Brownlee.
Sa Nobyembre pa ang sunod nga duwa sa Gilas Pilipinas, diin ilang atubangon pag-usab ang Jordan ug Syria. Gilauman nga magpadayon ang ilang maayong performance sa sunod nga mga duwa sa Asian Qualifiers.
Photo courtesy: Fastbreak
