Milataliwan na ang South Korean actor nga si Lee Yong Joo sa edad nga 44 tungod sa cardiac arrest. Ang balita bahin sa iyang kalit nga pagkamatay gipahibalo sa usa sa iyang suod nga higala sa social media niadtong Agosto 29, 2026.
Pipila ka bulan sa wala pa siya namatay, gipahibalo ni Lee Yong Joo ang iyang sakit sa kasingkasing nga hypertrophic cardiomyopathy (cardiomiapatey), usa ka kondisyon diin mobaga ug mogahi ang kaunoran sa kasingkasing, nga mahimong makapalisod sa pagbomba sa dugo.
Nagsugod si Lee Yong Joo isip modelo sa wala pa mosulod sa pag-artista niadtong 2004. Nakahimo siya og daghang drama sama sa Hello, Franceska, Princess Hours, Divorce Lawyer in Love ug uban pa.
Ang iyang kalit nga pagkawala nakapaguol sa iyang mga higala, kauban sa industriya, ug mga fans nga naghatag og ilang pahisubo sa iyang pamilya.
Photo courtesy: The Telegraph t2
