Wala na magpost ni Jessy Mendiola og bikini, swimsuit ug ubang sexy photos sa social media sukad nahimo siyang asawa ug inahan. Sa latest vlog nila sa bana nga si Luis Manzano, gipadayag ni Jessy nga gusto niyang magbutang og personal boundaries ug mahimong maayong ehemplo sa ilang anak nga babaye.
Giklaro sa aktres nga wala siyay problema sa ubang kababayen-an nga komportable sa pagpakita sa ilang lawas, apan mas malipayon siya sa iyang gipiling limitasyon karon.
Gibutyag usab ni Jessy nga girespeto ni Luis ang iyang hangyo pinaagi sa paghunong sa pag-follow o pag-mute sa mga account nga kanunay mag-post og sexy photos. Alang kang Jessy, importante ang pagbutang og boundaries ug respeto sulod sa ilang kaminyoon.
Photo Courtesy: Jessy Mendiola fb Page
