Naka-red alert status na ang Department of Social Welfare and Development (DSWD) samtang padayong gimonitor ang epekto sa habagat sa nasud.
Gipataas ang alert status sa ahensya human gipahibalo sa National Disaster Risk Reduction and Management Council (NDRRMC) nga gikan sa Blue ngadto sa Red alert ang national alert status niadtong Biyernes.
Matud sa PAGASA, magpadayon ang pagdala og mga pag-ulan sa Luzon ug Visayas ang habagat sulod sa weekend, ilabi na sa kasadpang bahin sa Luzon. Gipahayag sa DSWD nga naka-heightened alert ang ilang mga field office ug andam ang mga relief resources aron dali nga matubag ang panginahanglan sa mga apektadong pamilya.
Adunay kapin 3.4 milyon ka family food packs ang DSWD nga na-preposition sa nagkalain-laing bodega ug estratehikong lugar sa tibuok nasud. Aduna usab kini P558.77 milyon nga Quick Response Fund alang sa gilayon nga disaster response operations.
Photo Courtesy: PNA
