Wala magdahom ang usa ka mag-inahan nga ang iyang pagdala og pagkaon ug sinina alang sa iyang napriso nga anak ug igsoon mahimong mosangpot sa iyang pagkapriso usab.
Nasikop sa kapulisan sa Bislig City kagahapon, Agosto 29, 2026 ang maong mag-inahan human nakit-an sa iyang dala ang usa ka sachet nga gituohang adunay shabu.
Base sa inisyal nga impormasyon, gitago ang maong sachet sulod sa bulsa sa usa ka short nga dala sa mag-inahan alang sa iyang napriso nga anak.
Nasuta ang gituohang iligal nga droga atol sa inspeksyon sa mga police personnel sa entrada sa estasyon, samtang padulong unta siya sa detention facility aron maghatod sa pagkaon ug mga sinina.
Tungod niini, gidakop ang mag-inahan ug sa pagkakaron gipabilin sa kustodiya sa kapulisan alang sa tukmang imbestigasyon ug legal nga disposisyon.
Padayon pang gitino sa mga otoridad ang tinuod nga gigikanan ug katuyoan sa gituohang shabu, samtang ang mga nakumpiskang butang ipailalom sa hustong pagproseso ug imbestigasyon.
Photo courtesy: RBB
