Gipalig-on sa Department of Agriculture ug Department of Energy ang mga lakang aron mapanalipdan ang mga yutang gigahin alang sa produksyon sa pagkaon taliwala sa pagpalapad sa mga solar energy project sa nasud.
Gisugyot ni Agriculture Secretary Francisco Tiu Laurel Jr. ang digital geofence sa dul-an 3 milyon ka ektarya nga patag nga agricultural land aron malikayan ang pagsulod sa mga power project sa importanteng kaumahan.
Ubos sa plano, klarong mailhan sa mga energy developer ang mga lugar nga dili mahimong tukoran og renewable energy facilities ug ang mga lugar nga angay alang sa solar projects.
Magpili usab ang DA og 1,000 hangtod 2,000 ka priority agricultural sites nga itandi sa kasamtangan ug aprubadong energy projects. Target sa DA ug DOE nga mapirmahan sa Oktubre 2026 ang kasabutan aron mapadayon ang renewable energy expansion nga dili makompromiso ang seguridad sa pagkaon sa nasud.
Photo Courtesy: Vectras Inc.
